分享護膚心得

最近試妝時,有唔少準新娘子問我點先可以有靚靚皮膚,所以係blog度同大家分享一下,美肌第一步係落妝,選擇一種適合自己的落妝產品,e.g.落妝油、落妝水,如眼妝比較濃,最好分開眼部落妝水/油,而潔膚產品有好多種,我個人覺得面皂同埋洗面mousse比較乾,除非油性皮膚的女士,而中性及乾性,可以選用cleansing cream,cleasing milk較為適合,洗面後隨即塗上爽膚水。
皮膚28日更新週期,想有靚靚皮膚上妝更貼,去角質係重要步驟,但不能太頻密,男士/皮膚粗糙人士適合磨砂膏,一星期做1-2次,而一般皮膚可用去角質面膜,溫和一點,緊記深層清潔後會好乾,即時要做補濕mask。
洗面後2-3分鐘內趁面上還有水份,塗上保濕精華及面霜,就可以將水份鎖在肌膚內。