Rita & Tong's Wedding Day

全日wedding可以用兩個字黎形容"打仗",時間好緊湊,我全日都幫rita睇住rundown的時間,控制轉造型及換衫時間,每次轉造型好像連呼吸都無時間,專心做好造型,亦要捉緊時間。由於敬茶遊戲時間與rundown預先安排的時間遲了,而下午又要趕註冊處註冊,(屯門出尖沙咀又要預車程),所以到男家敬茶後我主動向攝影師夾時間,控制影大合照、影花車等時間,因為要預時間比rita食少少lunch就要轉造型換衫,最後我同rita用了10分鐘時間食完lunch,再用了15分鐘換衫轉造型,我好努力地追番rundown個時間。準時到達文化中心註冊。而晚上38圍,再加上安排了晚宴遊戲,需要每位賓客影一張相亦要好好安排時間,因此我預先同rita夾了敬酒後即刻轉造型換衫,之後可以慢慢補影相,因為如果安排影相時間就好難cut人比時間新娘換衫,好多時賓客會話影埋呢張,之後又有其他人再影埋好快好快,咁就好夜先可以換,有d賓客怕夜就開始走,所以呢點可以比些意見準新娘子。最後順利完成整個婚禮,祝一對新人百年好合,永結用心。