Amanda & Suker's Wedding Day

3個月前我同amanda表姊結婚化妝,當時佢做伴娘,今次佢做新娘連我都好開心。新人拍拖14年,係我第一個客拍拖最長,之前最耐都係11年,我問amanda拍拖咁多年現在結婚有咩感覺,佢話好開心,因為身份改變了,聽到都好感人。amanda同suker係中學同學時認識,所以向母校校長申請返校影相,而校長又好nice,星期五有學生返學都批,校長及曾任教佢地的老師都一齊合照,非常難得。但因為新人無預太多時間影相,所以令早上預計的時間遲2小時,最後為了趕下午3時註冊造型,我同新娘用了5分鐘時間完成lunch,所以提提大家要先用攝影師夾夾時間。amanda對我好有信心,叫我幫佢諗造型,佢只係要求放多d頭髮遮住背部的粒粒,因為都幾明顯,但我用化妝品同佢遮咗之後,佢好開心仲話"真係得喎,遮晒",佢好開心,自信返晒黎。Amanda亦係感性之人,早上忍唔住喊,以為晚上忍到, 點知 Suker突然送花送介指, Amanda開心到當然忍唔到,感人的婚禮順利完成。