幾個月前同esther好姊妹mandy結婚化妝,今日到佢我都好開心。一對新人拍拖13年,愛情長長跑~esther同kelvin中學開始拍拖時已當大家係結婚對象,我聽到都好感動。當日男女家都係住沙田,所以全日活動都係在沙田進行,esther婚前心情輕鬆,對我亦十分信任,所有造型全部交由我幫佢設計,多謝你對我的信任。中午時段新人返到大家就讀的同一中學影相,還接納我意見著校服影,出黎效果大家都大讚,好有拍戲feel回到那些年的感覺,雖然早上時間玩遊戲遲了少少,但晚上時間亦順利完成,祝一對新人生活愉快,日日開開心心!!
沒有留言:
張貼留言